روى المواطن اليمني زهير الجامد قصته مع أفراد في شرطة السير بالعاصمة عدن .
وقال الجامد في منشور له على فيس بوك رصده محرر 24بوست انه تعرض للابتزاز من قبل أفراد في إدارة شركة السير بخور مكسر . موقع 24ينشر نص الجامد
قضيتي مع شرطة السير عدن . (حمله ترقيم السيارات ) . بإختصار رحت اعمل ربت للأرقام يعني اطبق اللوحات لاننا طلعت لوحات جديدة من محافظة غير عدن . وقلت ادخل شرطة السير طالما انا مستوفي كل الشروط مافيش اي مشكله تخوفني ادخل شرطة السير نعمل ربت للارقام . استقبلنا عسكري في جوله فندق عدن قال وين الارقام قلت موجودة عرضت الارقام قال ليش ماركبتهم قلت انا رايح شرطة السير اركب الارقام اخذ الارقام وقال اقدم بتبعك لما الشرطة قلت على طوول . مشيت لما باب الشرطة استقبلني ولد نصف عسكري والنصف الثاني مدني . قال ايش معك هنا قلت جيت اعمل ربت للارقام وفي عسكري اخذ الارقام وقال انتظرني باب شرطة السير لما يجي . قال انا بخارجك بروح اجيب الارقام من العسكري وحقي على جنب قلت ابشر قال صديقي يعني يريد فلوس قلت قله ابشر بس . عرفت ان الموضوع بايطول وصديقي يقوول يا اخي قد كنت تركب الارقام في اي ورشة برع وتخارجنا من حقهم النقوره قلت له اسكت هو ربت نطبق امه ونعطي المربت حق المسامير مافيش علي اي مشكله . شافني شرطي السير من داخل الحووش هذا اللي في الصورة رقم واحد ١ خرج شاف السيارة بلا ارقام قال فين الارقام قلت رقم مع العسكري ورقم موجود في السيرة . قال بشوف الرقم اللي عندك عطيته الرقم . قال الملكية بطابق عطيته الملكية قال طيب ورقة الجمرك . عطيته قال البطاقة عشان اتأكد من الاسم . عطيته البطاقة . قال عندك رخصة قلت ايوه هذه رخصة. قال اوكي كل امورك تمام : قلت لصديقي شفت كيف كل اموري تمام هو مسمار فقط ???? المهم دخل للحوش دقيقتين ورجع لما عندنا هو والشخص اللي قابلني اول مره ابو نص عسكري ونص مدني وهو يقول يله بسرعة بسرعة هت عشرة الف يخارجك الافندم قلت له حق ايش عشرة الرقم والملكية قد طلعتهم ب ١٨ الف وانت تركب الارقام ايش بتسوي. المرور صاح من باب الحوش قال ماعليك ماعليك هذا شكله مايتفاهم إلا داخل الحوش . قال ابو نص مدني ونص عسكري خله يخارجكم باب الحوش لو دخلتم والله بتتاخروا قال صديقي انا بدفع شفنا مسافر الساعة ٢ الطائرة باتقلع قلت انتظر قال انا بدفع عندي فلوس اشتي اعرف حق ايش ادفع عشرة قال المرور ادخل ادخل قلت بدخل وليش تهددنا . دخلت الحوش الاول. قال لا لا الحوش الداخلي قلت على طووول دخلت حق ثقه اننا مستوفي كل شي . لما دخلت الحوش قال هي روح ادفع غرامة ١٠ الف قلت على طووول رحت المكتب باب الحوش قلت حق ايش عشرة غرامة قالوا لانك مش مركب الارقام قلت اوكي انا جيت اركبهم عندكم وفي اكثر من ١٠٠٠ سيارة داخل عدن شفتهم بدون ارقام رايحين راجعين . قالوا مافيش داعي تفتح كلام ادفع وخلي الهدرة قلت طيب فين السندات او الايصال حق الغرامة . هنا صاحوا كلهم واللي دخلنا قال هذا بلا ادب . خلوه يتأدب داخل الحوش . وبعدها ماشفت العافية تشاوتونا داخل الحووش من واحد لاواحد قلت طيب هاتو الملكية والاوراق والرخصة اللي اخذهم قال الملكية مع محمد علي والجمارك مع عبدالله احمد والرقم الثاني مع عبده مكرد . صاحبي ضحك قال خلاص انت داخل الحوش حط السروال قد قلت لك وعادك برع قلت انك مستوفي . قلت طيب الان بدفع الغرامة طلعت ١٠ ألف وديتها للشرطي رقم ٢ كان يتفرج امامي وانا امد الفلوس وهو يبتسم ويقول خليك شويه عشان تتعلم الادب . وجلست اجري بعده لما اذن أذان الظهر قلت له اسمع يافندم خلاص قدنا تأدبت يكفي صديقي مسافر لازم اوصله للمطار وسامانه كلها فوق السيارة . اخذ ال ١٠ وصيح للمربت وعمل الربت وطلعنا وفي طريق المطار قلت لصاحبي من فين جبت الملكية والاوراق داخل الحوش قال جمعتهم من الشباب داخل . الملكية دفعت ٥٠٠٠ ألف ريال للمرور اللي اخذها باب الحوش والرخصة والجمارك ٢٠٠٠ ريال صاحب البوابة . قلت يعني لو كنا طلعنا رقم ثاني كان افضل . وليش ماقلت لي انك خرجتهم بفلوس قال يا اخي اشتي اسافر ليش اقولك تجلس تعك معاهم وبالاخير تلقي بالمقعدة يربتها لك ???? قلت والله كلامك صحيح قحرونا داخل الحوش وأنا اقحرهم بالفيس ماحد ينصفنا غيره الله يحفظ (مارك بن عبده قاسم) . انا مجرد واحد من ١٠٠ نفر داخل الحووش يخرجوا مقهورين تحياتي #زهيرالجامد
